दक्षिणी जापानमा बिहीबार ६.९ तीव्रताको भूकम्पपछि ७.१ तीव्रताको अर्को भूकम्प मापन गरिएकाे अमेरिकी भूगर्भ सर्वेक्षणले जनाएको छ। स्थानीय मौसम विभागले तटीय क्षेत्रमा सुनामीको चेतावनी दिएको छ।
क्युशु र शिकोकु टापुहरूका केही तटीय क्षेत्रमा एक मिटरसम्मको सुनामी आउने अपेक्षा गरिएको छ वा आइसकेको एनएचके ब्रोडकास्टरले रिपोर्ट गरेको छ। जापान मौसम विज्ञान एजेन्सीले एक्स मार्फत सुनामी बारम्बार आउनसक्ने चेतावती दिएकाे छ। सातै तत्काल कुनै क्षतिको रिपोर्ट नआएकाे बताएकाे छ।
अमेरिकी भूगर्भ सर्वेक्षणका अनुसार पहिलो भूकम्प ३३ किलोमिटर गहिराइमा ४:४२ बजे क्युशुको मियाजाकीबाट २९ किलोमिटर दक्षिणपूर्वमा गएको थियो।
दोस्रो भूकम्प एक मिनेटभन्दा कम समयमा २६ मिटर गहिराइमा मियाजाकीबाट २० किलोमिटर उत्तरपूर्वमा गएको थियो।
जापानी सरकारले भूकम्पको प्रतिक्रियामा विशेष कार्यदल गठन गरेको छ। पश्चिमी प्रशान्त “रिङ अफ फायर” को किनारमा चार प्रमुख टेक्टोनिक प्लेटहरूको शीर्षमा बसेको जापान विश्वको सबैभन्दा टेक्टोनिक रूपमा सक्रिय देशहरूमध्ये एक हो।
१२५ मिलियन मानिसहरू बसोबास गर्ने यो द्वीपसमूहमा प्रत्येक वर्ष करिब १,५०० भूकम्प आउने गर्दछ र विश्व भूकम्पहरूको करिब १८ प्रतिशत हिस्सा यसमा पर्छ।
धेरैजसो भूकम्प सामान्य रूपमा कमजोर हुन्छन्, तर तिनीहरूको स्थान र जमिनको गहिराइअनुसार क्षतिको मात्रा फरक पर्छ। तैपनि, विशेष निर्माण प्रविधि र निर्माण नियमहरूको कारणले गर्दा ठूला भूकम्पहरू प्राय: कम क्षति पुर्याउँछन्।
