काठमाडौँ । धादिङमा गुडिरहेको माइक्रो बसमाथि रुख खस्दा ७ जना यात्रु घाइते भएका छन्। धादिङबेंसीबाट काठमाडौं आउँदै गरेको बागमती प्रदेश ०१–००६ ख ६५१२ नम्बरको ईभी माइक्रो बस गजुरी–५ जरेखोला नजिक पहिरोमा परेको जिल्ला प्रहरी कार्यालय धादिङले जनाएको छ।
जिल्ला प्रहरी कार्यालय धादिङका प्रहरी प्रवक्ता एवम् डिएसपी मकेन्द्र मिश्रका अनुसार घाइतेहरुलाई उपचारका लागि गजुरी अस्पताल लगिएको र सबै उपचार पछि डिस्चार्ज भइसकेका छन्।
पहिरोसँगै रुख ढलेर माइक्रो बसमाथि परेको हाे। घाइतेहरुकाे अवस्था सामान्य रहेकाे छ। माइक्रो बसमाथि रुख खसेपछि अवरुद्ध भएको सडक खुलिसकेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
